மயில் ஸ்ரீதேவி கண்ணீருடன் காத்திருக்க,
"நிச்சயம் சப்பாணி வருவான்.
மயிலின் வாழ்வு மலரும்"
என முடித்திருப்பார் இயக்குனர் பாரதிராஜா.
சரி. சிறைக்குப் போன சப்பாணி என்ன ஆனான் ?
திரும்பி வந்தானா ?
காத்திருந்த மயிலு என்ன ஆனாள் ?
இந்தக் கேள்விகளுக்கு,
அடுத்து வந்த தனது 'கிழக்கே போகும் ரயில்' படத்தில் பதிலை வைத்திருந்தார் பாரதிராஜா.
'கிழக்கே போகும் ரயில்' படத்தில் ஒரு கல்யாணக் காட்சி.
விஜயன் உட்கார்ந்து மொய் கணக்கு எழுதிக் கொண்டிருப்பார்.
மைக் செட்டில் ஒரு குரல் சொல்லும் :
"பாப்பாம்பட்டி பழனிச்சாமி பத்து ரூபா…
அல்லிநகரம் முத்துக்கண்ணு அஞ்சு ரூபா…
பொன்னாண்டி ஒண்ணா ரூபா…
நம்ம ஊரு பஞ்சாயத்துக்காரங்க,
நூத்தி ஒரு ரூபா…
பெட்டிக்கடை மயிலு புருஷன் சப்பாணி, அஞ்சு ரூபா…"
சப்பாணி- மயில் .
இருவரையும் காட்சியாகக் காட்டாமல் ,
ஒலி வடிவத்தில் மட்டுமே இதை பதிவு செய்திருப்பார் இயக்குனர்.
உற்றுக் கவனித்தால் நம்முடைய எல்லா பிரச்சினைகளுக்கும் கேள்விகளுக்குமான பதிலை, இந்த பிரபஞ்சம் எப்போதுமே தயாராகவே வைத்திருப்பது தெரியும். கவனிப்பது நம் கையில்தான் இருக்கிறது.
Credits: John Durai Asir Chelliah
